Protea Lodge and Cottage

Selfsorg

Kapasiteit: 8 persone
Alle ouderdomme is welkom
Inkloktyd: 15:00 tot 21:00
Uitkloktyd: 10:00
Adres: Chopin-weg 1935, Paripark, Gqeberha (Port Elizabeth), 6070, Oos-Kaap
Vanaf R5 000 per nag, vir 8 mense

Beskrywing

Protea Lodge and Cottage bied gerieflike selfsorgverblyf met 'n tuinuitsig en is sowat 5,1 km vanaf Walmer Buiteklub geleë. Die Little Walmer Gholfklub is 6,7 km vanaf die verblyf en Sardinia Bay Gholfklub is 7,7 km weg. Die Chief Dawid Stuurman Internasionale Lughawe is 6 km vanaf Protea Lodge and Cottage.

Dié verblyf beskik oor 5 slaapkamers en 3 badkamers. Die kamers het koninggrootte-beddens, dubbelbeddens of enkelbeddens. Stort- en badgeriewe is beskikbaar. Alle linne en badhanddoeke word voorsien. Die vyfde slaapkamer is 'n woonstel met 'n dubbelbed en 'n badkamer met 'n stort. Die woonstel het ook 'n kombuis en 'n sitarea.

Die oopplan-kombuis is met 'n yskas-vrieskas, stoof, dubbeloond, mikrogolfoond, broodrooster, basiese eetgerei en breekware, asook koffie- en teemaakgeriewe toegerus. Daar is ook 'n etenstafel met stoele. Die opwaskamer het 'n skottelgoedwasser, wasmasjien en 'n tuimeldroër. Beide die leefareas het 'n sitkamerstel, platskerm-TV en 'n kaggel. Die glasdeure lei na 'n ruim houtdek in die agterplaas wat 'n swembad en sonstoele het. Veilige parkeerplek is in 'n motorhuis beskikbaar en daar is nog parkeerplek op die perseel. Die huis word 3 keer 'n week skoongemaak en dit is by die tarief ingesluit.

Kry ’n Kwotasie