Providence

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Fascadale-weg 938, Ramsgate, , 4285, KwaZulu-Natal
Vanaf R950 per nag (plek vir 6)

Beskrywing

Providence is in die skilderagtige kusdorpie Ramsgate aan die Hibiscus Suidkus. Dit is 'n heerlike selfsorgwoonstel met 'n asemrowende uitsig oor die see, strandmeer en welige groen natuurskoon.

Dié ruim eenheid op die derde verdieping beskik oor 2 slaapkamers en bied slaapplek aan 6 gaste. Die eerste slaapkamer het 'n dubbelbed en 'n en suite-badkamer met 'n bad, wasbak en toilet. Die tweede slaapkamer het 2 enkelbeddens en toegang tot 'n aparte badkamer met 'n stort, wasbak en toilet.

Die gemaklike leefarea het 'n slaapbank vir 2 kinders en 'n TV. Die kombuis is met 'n yskas, stoof/oond en mikrogolfoond, en 'n wasmasjien toegerus. Die eenheid beskik ook oor 'n balkon met 'n pragtige see-uitsig en gasbraaigeriewe.

Geriewe by Providence sluit 'n gemeenskaplike swembad, klubhuis en kuierarea met lapas, 'n kinderspeelarea en braaigeriewe in. Die eenheid beskik oor 'n toesluitmotorhuis en 'n motorafdak vir veilige parkeerplek. Dit is naby die ikoniese Waffle House, gewilde restaurante, winkels en die vernaamste Blouvlagstrand. Butterfly Valley, 'n wonderlike skoenlapperplaas, is ook naby om die hele gesin te vermaak.

Neem asseblief kennis dat hierdie verblyf 'n gesinsgeoriënteerde omgewing is. Dit is nie geskik vir partytjies of funksies nie en die kompleksreëls moet nagekom word.

Kry ’n Kwotasie