Rose Cottages

Selfsorg

Kapasiteit: 11 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Verdunweg, Franschhoek, 7690, Wes-Kaap
Vanaf R2 900 per nag, vir 2 mense

Beskrywing

Rose Cottages is op Verdun Farm in Franschhoek geleë en bied gerieflike verblyf in 3 bekoorlike selfsorgkothuise wat uitkyk oor die wingerde met asemrowende berguitsigte.

Elke kothuis het 'n patio vanwaar gaste kan ontspan en die omgewing kan geniet. Elke kothuis het ook sy eie braai-area, groot grasperke en 'n privaat swembad. Die kothuise beskik oor volledig toegeruste kombuise met mikrogolwe, yskaste en toebehore, en is toegerus met linne insluitend swemhanddoeke. Die kothuise is ook toegerus met TV's met sekere DStv-kanale en haardroërs. Al 3 kothuise het kaggels vir daardie koue winteraande, asook 'n eetarea en 'n sitarea met gemaklike meubels.

Franschhoek is die koshoofstad van Suid-Afrika met sy vele bekroonde restaurante in die dorpie. Wynproe is 'n moet in die vallei; gaste kan bekende wynkelders besoek en die meeste is oop vir die publiek om te proe. Mens kan dit selfs te perd doen. Die dorpie bied baie kunsgalerye met bekende kunstenaars wat hul werk uitstal. Daar is staproetes in die berge, fietse te huur, of perdry. Stellenbosch en die Paarl is 'n halfuur weg, en een van die vele pragtige ritte sal oor die Franschhoekpas na Hermanus wees om die walvisse in die winter te kyk. Daar is ook uitstekende gholfbane in die omgewing vir die entoesias.

Kry ’n Kwotasie