Rosendal Guesthouse

Gastehuis

Kapasiteit: 14 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Rosendalstraat 25, Vrykyk, Paarl, 7646, Wes-Kaap
Vanaf R850 per nag, vir 2 mense

Beskrywing

Rosendal Gastehuis is 'n lieflike gastehuis in die woonbuurt Vrykyk in die hartjie van die Paarl. Dit is 'n wonderlike opsie vir groepbesprekings aangesien hierdie eiendom altesaam tot 14 gaste kan akkommodeer.

Die gastehuis bied die keuse van óf Kamer 1 wat 'n kapasiteit van 5 gaste het óf nog 3 kamers wat elk 3 gaste op 'n slag kan akkommodeer. Kamer 1 het 5 enkelbeddens, terwyl die ander gastekamers elk 'n dubbelbed en 'n enkelbed het.

Kamers 1, 2 en 3 maak almal gebruik van 'n gedeelde badkamer wat in die gang geleë is. Die badkamer is toegerus met 'n bad, stort, wasbak en 'n aparte toilet. Kamer 4 het sy eie en suite-badkamer met 'n bad. Linne en handdoeke word voorsien. Toegang tot gratis WiFi is beskikbaar en elke kamer het 'n tee- en koffieskinkbord.

Gaste het volle toegang tot die eiendom se hoofleefarea wat 'n sitkamer en eetarea asook 'n kombuis het. Die kombuis is volledig toegerus met 'n gasstoof, elektriese oond, mikrogolfoond, yskas-vrieskas, eetgerei en breekware. Buite is 'n onderdakstoep met braaigeriewe.

Kry ’n Kwotasie