San Lameer Villa 3213

Beskrywing

San Lameer Villa 3213 is 'n eksklusiewe selfsorgvilla op San Lameer Estate. Hierdie subtropiese paradys met wild, fauna, flora en voëls is aan die Suidkus van KwaZulu-Natal geleë en bied iets aan die hele gesin. Die natuurbewarea van 200 hektaar spog met 'n 18 putjie-kampioenskapgholfbaan, 'n hotel met 'n spa, restaurant en kroeg, luukse villas en direkte toegang tot 2 Blouvlagstrande.

Dié villa bied slaapplek aan 4 volwassenes en 2 kinders en beskik oor 3 slaapkamers en 2 badkamers. Die hoofslaapkamer met lugversorging het 'n koningingrootte-bed en 'n en suite-badkamer met 'n stort-oor-bad. Die tweede slaapkamer het 2 enkelbeddens en 'n en suite-badkamer met 'n stort. Daar is 'n stapelbed vir kinders in die derde slaapkamer. Gehaltelinne en badhanddoeke word voorsien, maar gaste moet hul eie swemhanddoeke saambring.

Die leefarea beskik oor 'n kombuis wat met 'n stoof, oond, mikrogolfoond, yskas-vrieskas, eetgerei, breekware en 'n toonbank met stoele toegerus is. 'n Wasmasjien is ook beskikbaar. Die kombuis lei na 'n knus sitarea met gemaklike sitplek en 'n platskerm-TV met DStv.

Hierdie leefarea lei na 'n onderdakstoep met 'n etenstafel, sonstoele en braaigeriewe.

Gaste kan by die landgoed se gemeenskaplike swembaddens ontspan en die uitsigte bewonder. San Lameer bied ook 'n groot lowerryke omgewing, tuine vir pieknieks, 'n speelarea vir kinders, fietse te huur, 'n visdam en 'n voëlkykdam. Gaste kan ook die gemeenskaplike braai-areas en staproetes geniet.