Sea Valley Lodge

Selfsorg

Gratis kansellasie tot 1 week voor jou verblyf!
Soos Gesien op Facebook
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 3de Straat 239, Voëlklip, Hermanus, 7200, Wes-Kaap
Vanaf R5 203 per nag (plek vir 10)

Beskrywing

Sea Valley Lodge is 'n ruim selfsorghuis met 'n panoramiese uitsig oor die see en strandmeer in Voëlklip in Hermanus. Gaste het toegang tot Voëlklip se bekende Grotto-strand wat net 'n entjie se stap of ry ver is. Die huis beskik oor oorgenoeg kuierareas binne en buite en is perfek vir groepe familie en vriende.

Die huis bied slaapplek aan 10 gaste en beskik oor 5 slaapkamers. Op die eerste verdieping is daar 'n ruim hoofslaapkamer met 'n koninggrootte-bed, see-uitsig en 'n en suite-badkamer met 'n bad, stort, wasbak en 'n toilet. Die tweede slaapkamer het 'n koningingrootte-bed en 'n badkamer met 'n stort langsaan. Op die onderste verdieping is daar 'n derde en vierde slaapkamer wat onderskeidelik 2 enkelbeddens wat in 'n koninggrootte-bed omskep kan word en 'n koningingrootte-bed het. Dié gaste deel 'n badkamer met 'n stort. Die vyfde slaapkamer is 'n aparte kothuis met 'n koningingrootte-bed en 'n en suite-badkamer met 'n stort. Linne en handdoeke word voorsien.

Die huis het 'n ruim oopplankombuis, -eetarea en -sitarea op die boonste verdieping. Die kombuis is met 'n yskas-vrieskas, stoof, oond, lugbraaier, mikrogolf, basiese eetgerei, breekware en tee- en koffiemaakgeriewe toegerus. Daar is ook 'n skottelgoedwasser en 'n wasmasjien. Die kombuis lei na 'n eetarea en sitarea met gemaklike rusbanke, 'n kaggel en 'n slim-TV met Netflix. Op die onderste verdieping is daar ook 'n kombuisie en 'n klein sitarea wa na 'n stoep lei.

Die leefarea bied toegang tot 'n groot semi-onderdakbalkon met 'n etenstafel vir 8. Daar is nog 'n etenstafel vir 8 langs die swembad.

Die huis is ook met 'n omsetter toegerus wat krag aan die TV's, DStv, gratis WiFi en ligte tydens beurtkrag voorsien. 'n Draagbare gasbraai op die balkon en 'n ingeboude braai by die swembad is beskikbaar.

Veilige parkeerplek vir 5 voertuie en ekstra, gratis parkeerplek op die perseel is beskikbaar. Die huis is heeltemal ommuur en met 'n alarmstelsel toegerus vir veiligheid. Dit bied maklike toegang tot strande, restaurante, kunsgalerye en koffiewinkels, en is ook nie ver van die strandmeer, stap- en bergfietsroetes in die berg af nie.

Kry ’n Kwotasie