Serenity St Helena Beach Estate

Selfsorg

Kapasiteit: 6 persone
Alle ouderdomme is welkom
Inkloktyd: 13:00 tot 00:00
Uitkloktyd: 10:00
Adres: Suurbos Slot 2, Britannia Beach-landgoed, St. Helenabaai, 7381, Wes-Kaap
Vanaf R2 800 per nag (plek vir 6)

Beskrywing

Serenity St Helena Beach Estate is 'n pragtige vakansiehuis binne stapafstand vanaf die Goue Myl-strand in Britannia Beach-landgoed. St. Helenabaai is ideaal vir 'n gesinsvakansie of 'n groep vriende.

Die ruim huis bied slaapplek aan 6 gaste en beskik oor 3 slaapkamers en 2 badkamers. Elke kamer het 'n koningingrootte-bed, maar slegs die hoofslaapkamer het 'n badkamer. Gaste in die ander 2 kamers deel 'n badkamer met 'n stort en 'n bad. Linne en badhanddoeke, asook sepies word voorsien, maar gaste moet hulle eie swemhanddoeke bring.

Die oopplan-leefarea het 'n hoë plafon en 'n kombuis wat met 'n stoof, oond, mikrogolf, yskas-vrieskas, skottelgoedwasser, koffiemasjien, eetgerei en breekware toegerus is. Daar is ook 'n toonbank met stoeltjies en 'n yskassie in die aparte opwaskamer. Die kombuis lei na 'n etenstafel met 8 stoele en 'n knus sitarea met gemaklike sitplek en 'n TV. Gratis WiFi is tydens beurtkrag beskikbaar.

Verder is daar 'n binnebraai, 'n plonspoel, asook 'n buitebraai in die beskutte tuin. Daar is ook 'n buitestort met warm water vir gaste wat van die strand af kom en 'n omsetter.

Kry ’n Kwotasie