Ballots Bay - Silver Mist

Selfsorg

Kapasiteit: 2 persone
Geen kinders
Inkloktyd: 15:00 tot 20:00
Uitkloktyd: 10:00
Adres: Imbali-keeromstraat 34, Ballotsbaai, George, 6529, Wes-Kaap
Vanaf R1 750 per nag (plek vir 2)

Beskrywing

Ballots Bay - Silver Mist is 'n privaat selfsorghoutkothuis in 'n natuurreservaat in George. Gaste wat die kothuis huur het toegang tot die hele reservaat insluitend braai-areas in die baai, 'n piekniekplek in die woud, fynbos, wildkykwandelinge en 'n ongelooflike verskeidenheid voëls asook pragtige uitsigte.

Die kothuis bied slaapplek aan 2 gaste en het lugversorging. Die knus slaapkamer het 'n koningingrootte-bed en 'n en suite-badkamer met 'n bad, stort, toilet en wasbak. Daar is ook 'n versteekte buitestort met 'n mooi uitsig oor die kloof, inheemse woud en Outeniekwaberge.

Die oopplan-kombuis is met 'n yskas-vrieskas, stoof, mikrogolf, eetgerei, breekware en Nespresso-koffiemasjien toegerus. Daar is ook 'n klein etenstafel met stoele. Hierdie area lei na die leefarea met 'n gemaklike rusbank van egte leer en 'n slim-TV. Gratis WiFi is beskikbaar en daar is 'n omsetter om die impak van beurtkrag te verminder.

Die balkon het buitesitplek en 'n pragtige uitsig oor die Indiese Oseaan soos die 'n perfekte V vorm in die rigting van die monding van die Meulenrivier in Ballotsbaai.

Die privaat baai en natuurreservaat is ongeveer 100 hektaar groot en is slegs vir die gebruik van gaste en inwoners. Dit bied privaatheid en eksklusiewe toegang tot 'n baai van 60 m wyd met 2 braai-areas, goeie visvangplek en Knysna-loeries wat die agtergrondmusiek voorsien.

Gaste kan voetslaan in die magiese woud en tussen die fynbos en manjifieke plantegroei gaan stap. Daar is 'n rotsagtige kranspaadjie wat lei na die geheime Cleopatra's Pool. Die verblyf is 'n paradys vir voëlkykers en natuurliefhebbers. Gaste kan ook verwag om wildebeeste, sebras, volstruise, bosbokke, springbokke en rooikatte te gewaar.

Kry ’n Kwotasie