St. Lucia Safari Lodge

Lodge

Kapasiteit: 20 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: McKenziestraat 103, St. Lucia, 3936, KwaZulu-Natal
Vanaf R1 350 per nag (plek vir 2)
TGCSA-gradering:

Beskrywing

St. Lucia Safari Lodge is in St. Lucia se hoofstraat in die noordelike deel van KwaZulu-Natal en word deur die mooiste landskappe, strand, vleilande en natuurreservate omring. St. Lucia spog ook met Suid-Afrika se eerste Wêrelderfenisgebied. Die lodge is die ideale basis vanwaar gaste 'n safari kan beplan, na die strand kan gaan of waar gaste net 'n dag rondom die swembad kan geniet.

Die lodge bied 7 B&B-kamers, 2 kamers wat net verblyf insluit en 16 selfsorg-eenhede. Die B&B-kamers het elk 2 enkelbeddens of 'n dubbelbed, asook sekere DStv-kanale, 'n yskassie, tee- en koffiemaakgeriewe, lugversorging, 'n haardroër, kluis, komplimentêre toiletware en badhanddoeke.

Die chalets met slaapplek vir 2 of 4 gaste is ten volle toegerus vir selfsorg. Dié chalets wat slaapplek het vir 4 gaste is oopplan. Elke eenheid het sekere DStv-kanale, lugversorging, 'n haardroër en 'n kluis. Parkeerplek is beskikbaar op die perseel en die eenhede het 'n stoep met gietystermeubels en braaigeriewe.

Die chalets met slaapplek vir 6 is ook toegerus vir selfsorg en het elk 'n dubbelbed in die een kamer en 4 enkelbeddens in 'n oopplan-kamer. Ander geriewe sluit DStv-kanale, lugversorging, 'n haardroër en 'n kluis in. arkeerplek is beskikbaar op die perseel en die eenhede het 'n stoep met gietystermeubels en braaigeriewe.

Die lodge bied gratis WiFi en 'n groot swembad waar gaste op sonstoele onder die sonsambrele kan ontspan. Vir B&B-gaste word ontbyt in die lapa-area bedien. Ontbyt is ook beskikbaar aan selfsorg-gaste teen ekstra koste.

Aandete vir groepe kan op versoek gereël word. St. Lucia Safari Lodge se lapa bied die ideale atmosfeer vir 'n skemerkelkie.

Die lodge is sowat 1 kilometer vanaf die ingang na die dorp.

Kry ’n Kwotasie