Stella's Lodge

Selfsorg

Kapasiteit: 3 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Seaview-weg 2, Sunwich Port, 3230, KwaZulu-Natal
Vanaf R650 per nag (plek vir 3)

Beskrywing

Stella's Lodge is 'n knus, bekostigbare selfsorgkothuis in die hartjie van Sunwich Port. Dit is in 1914 gebou en is een van die oudste huise aan die Suidkus. Dit is ideaal vir 'n naweekwegbreek, want dit is net 200 m vanaf die strand.

Dié kothuis bied slaapplek aan 3 volwassenes en 2 kinders en beskik oor 2 slaapkamers en 'n badkamer. Die eerste slaapkamer het 2 enkelbeddens, die tweede slaapkamer het 'n stapelbed vir kinders is en daar is 'n enkelbed in die leefarea. Daar is 'n stort-oor-bad, wasbak en 'n toilet in die badkamer.

Die leefarea beskik oor 'n kombuis wat met 'n stoof, oond, gasstoof, mikrogolf, yskas-vrieskas, eetgerei, breekware en tee- en koffiemaakgeriewe toegerus is. Daar is ook 'n etenstafel. Die sitarea het gemaklike sitplek en 'n platskerm-TV. Gaste kan hul eie DStv-dekodeerder en -slimkaart saambring. Gratis WiFi is beskikbaar.

Buite is daar 'n sonnige stoep met sitplek en 'n ingeboude braai. Hierdie verblyf word deur 'n betonmuur omring en het 'n groot tuin vir kinders en troeteldiere. Veilige parkeerplek is op die perseel beskikbaar. Die verblyf is naby talle winkels en restaurante.

Kry ’n Kwotasie