Beskrywing

Stellenrus is ’n gerieflike selfsorgeenheid vir 2 gaste in Beaufort-Wes. Dit is ideaal vir oornagverblyf.

Die eenheid beskik oor ’n slaapkamer met ’n dubbelbed en ’n aparte badkamer met ’n stort en toilet.

Die kombuis is met ’n mikrogolfoond, yskas en tee- en koffiemaakgeriewe toegerus. Etes kan by die etenstafel geniet word en die sitarea het ’n TV met sekere DStv-kanale.

Daar is braaigeriewe onder die bome, sowel as ’n gemeenskaplike swembad wat gedurende die somer beskikbaar is.

Stellenrus is 200 m vanaf die N1/N12 en 1 km vanaf die middedorp waar daar winkels en restaurante is. Gaste kan die Christian Barnard Museum en dorpsmusuem besoek, gaan stap, voetslaan, bergfietsry of 4x4-roetes doen. Daar is ’n groot verskeidenhied argitektuur-style wat gesien kan word in die dorp. Die Karoo Nasionale Park net buite die dorp het ’n groot verskeidenheid inheemse bokke en voëls, en die bedreigde oewerkonyn kan ook daar gesien word.