Suidster

Selfsorg

Gratis kansellasie tot 1 week voor jou verblyf!
Soos Gesien op Instagram
Kapasiteit: 4 persone
Geen kinders
Inkloktyd: 14:00 tot 19:00
Uitkloktyd: 10:00
Adres: Plaas 1/231, Montagu, 6270, Wes-Kaap
Vanaf R2 950 per nag (plek vir 2)

Beskrywing

Suidster is 'n elegante wegbreekplek aan die voet van die Langeberge op 'n 110 hektaar-plaas tussen Barrydale en Montagu. Die plaas is onafhanklik van die tradisionele kragnetwerk en skuil tussen ongerepte fynbos-flora. Verblyf is in 2 selfsorgkothuise wat 'n ononderbroke uitsig oor die vallei bied, beskikbaar. Dit is die perfekte toevlugsoord vir gaste wat op soek is na 'n wegbreek in die natuur.

Die 2 luukse kothuise, Poortjies en Dwarriega, is elegant versier en is self-onderhoudende eenhede.

Poortjies is vernoem na die Poortjieskloofdam wat net 'n paar kilometer verder langs die pad in Barrydale se rigting is. Die klip wat gebruik is om die dam te bou kom van die plaas af en jy kan steeds tekens van die ou steengroef sien. Hierdie steengroef het 'n lowerryke mikroklimaat vol interessante nuwe lewe tot gevolg gehad. Dwarriega kry weer sy naam van die nie-standhoudende, Droë-Dwarriega-rivier wat verby die kothuis loop.

Elke oopplan-kothuis bied slaapplek aan 2 gaste. Elke eenheid het 'n koninggrootte-bed, plafonwaaier, 'n en suite-badkamer met 'n losstaande bad en stort, 'n kaggel en 'n kombuis wat met 'n stoof, mikrogolf, yskas, eetgerei en breekware toegerus is. Die kothuise bied ook elk toegang tot 'n dek met meubels en 'n privaat buitestort. Boonop het elke kothuis sy eie KolKol-houtvuurwarmbad.

Suidster is as 'n self-onderhoudende wegbreekplek in die Klein-Karoo opgerig. Dit maak van sonkrag gebruik en vars produkte word op die plaas verbou. Die kothuis en die hoofhuis werk met sonkrag en is heeltemal onafhanklik van die tradisionele kragnetwerk. Gaste het toegang tot braaigeriewe.

Daar is 'n 5 km-roete wat by 'n hoop stene naby die bopunt van die hoofpad begin en verby die kothuise na die hoofhuis toe lei.

Kry ’n Kwotasie