Suikerbekkie

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 11:00
Adres: Suikerbekkiestraat 3, Baardskeerdesbos, 7271, Wes-Kaap
Vanaf R600 per nag (plek vir 4)

Beskrywing

Suikerbekkie is in Baardskeerdesbos, agter die 100 jaar oue kerk geleë, en bied gerieflike verblyf aan 3 gaste.

Die 1-slaapkamer-oopplanwoonstel is ingerig met 'n dubbelbed en het 'n badkamer met 'n stort, wasbak en toilet. Alle linne en handdoeke word voorsien. Die leefarea het gemaklike sitplek en brei uit na die kombuisie wat toegerus is met 'n yskassie, mikrogolf, klein gasstoof, basiese breekware en eetgerei, asook tee- en koffiemaakgeriewe.

Dan is daar ook 'n houtkothuis op dieselfde perseel wat 4 gaste kan akkommodeer en beskik oor 1 dubbelbed, 1 enkelbed en 'n slaapbank. Die eenheid is net toegerus met 'n mikrogolfoond en gasstoof, en het 'n buitebadkamer met 'n stort, wasbak en toilet.

Dié eiendom bied stil en rustige verblyf langs 'n bloekombos en het toegang tot verskeie fynbosroetes en die gewilde Marietjies' Pub. Daar is 'n lieflike gemeenskaplike tuinarea met buitesitplek en braaigeriewe.

Gratis WiFi en veilige parkeerplek is op die perseel beskikbaar.

Kry ’n Kwotasie