Sunbird Cottage @ Kruger Cliffs

Beskrywing

Sunbird Cottage by Kruger Cliffs bied heerlike verblyf in Hoedspruit. Dit is ideaal geleë vir safari-avonture in en om die Krugerwildtuin.

Dié kothuis met lugversorging het slaapplek vir 2 volwassenes en 2 kinders. Dit beskik oor 'n slaapkamer met 'n koninggrootte-bed wat in 'n groot muskietnet gedrapeer is, en 'n en suite-badkamer met 'n dubbelwasbak, ruim instapstort en 'n aparte toilet. 'n Dubbelslaapbank in die leefarea bied ekstra slaapplek aan 2 kinders. Daar is ook 'n buitestort met 'n skilderagtige uitsig op die berge. Linne, badhanddoeke en stortjel word voorsien.

Die oopplan-leefarea beskik oor 'n kombuis wat met 'n mikrogolfoond, 'n vierplaat-keramiekstoof, ketel, 'n broodrooster, 'n groot yskas-vrieskas en 'n skottelgoedwasser toegerus is. Langs die kombuis is 'n etenstafel met 4 stoele en 'n gemaklike rusbank.

Daar is ook 'n privaat plonspoel en 'n braai op die dek met 'n manjifieke uitsig oor die rustige omgewing. Met soveel om te sien en te ervaar by die verblyf, bied Kruger Cliffs ook 'n lys aktiwiteite wat gereël kan word, soos wildritte en begeleide staptogte, om 'n paar te noem. Gaste kan die bestuurder laat weet wat hul voorkeur is en alles sal namens gaste gereël word.