The Elegant Desert Lodge

Lodge

Kapasiteit: 54 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Langs die C19, Sesriem, 0000, Hardap
Vanaf R3 140 per nag, vir 2 mense

Beskrywing

The Elegant Desert Lodge is op die grens van die Wêrelderfenisgebied van die Namibiese woestyn en net 38 km vanaf die hek na Sesriem en Sossusvlei. Die vriendelike en hulpvaardige personeel sien uit om gaste by The Elegant Desert Lodge te verwelkom.

Die lodge bied verblyf in 27 smaakvol versierde, stylvolle en moderne kamers met 2 enkelbeddens. Elke kamer het lugversorging, 'n en suite-badkamer, 'n ingeboude kluis en tee- en koffiemaakgeriewe. Die smaakvol versierde en gerieflike kamers nooi gaste uit om terug te sit en te ontspan in die sielvolle tog bevrydende atmosfeer van die wêreld se oudste woestyn.

Die pragtige en rustige tuin is 'n klein oase in die woestyn en bied verskeie plekke om te sit en lees of te ontspan. Die uitsig oor die woestynvlaktes vanaf die stoep kan ook van elke kamer geniet word.

Gaste kan smul aan die uitgebreide en voedsame ontbyt of die opsie kies om 'n ontbyt-piekniekmandjie te neem indien 'n vroeë oggend avontuur beplan word om Sossusvlei te verken. Gaste kan 'n rustige middagete geniet saam met 'n bottel Suid-Afrikaanse wyn vanuit die lodge se wye reeks wyne wat met die hand deur die eienaars uitgesoek is.

In die middae kan gaste in die kontemporêre-sitarea ontspan, die kalmte van die lowergroen tuin inasem of sonbaai langs die sprankelende swembad. Gaste kan 'n drankie drink by die swembadkroeg en die sonbedekte vlaktes bewonder. Verder kan gaste 'n landskapsrit neem om die uitgstrekte vlaktes in kontras met die Tsaris- en Naukluftberge van die Namibwoestyn te aanskou.

Namibië het skilderagtige sonsondergange en dit gaan gewoonlik gepaard met 'n drankie en word gevolg deur 'n kampvuur in 'n Afrika-vuurherd. Gaste kan moontlik van die wild raaksien wat by die watergat hulle dors kom les.

Vir aandete bied die lodge 'n viergangmaaltyd en gaste sal bederf word met al Namibië se lekkernye. Aandete word in die restaurant bedien of onder die sterrehemel in die tuin, afhangend van die weer.

Kry ’n Kwotasie