Troon Beach Cottage

Selfsorg

Op die Nippertjie-aanbod 40% af

Kry 40% af op alle besprekings wat 3 dae of minder voor jou verblyf gemaak word. Geldig vir verblyf vanaf 4 Nov 2024 tot 30 Nov 2024.

Gratis kansellasie tot 1 week voor jou verblyf!
Kapasiteit: 4 persone
Alle ouderdomme is welkom
Inkloktyd: 15:00 tot 22:00
Uitkloktyd: 10:00
Adres: 9de Laan 2, Voëlklip, Hermanus, 7200, Wes-Kaap
Vanaf ~~R8 000~~ R4 800 per nag (plek vir 4)

Beskrywing

Troon Beach Cottage, is in Hermanus in Voëlklip geleë. Dit bied gehalteverblyf vir 'n klein gesin of 'n groep vriende. Dit is stapafstand na gewilde strande, en 3 km van winkels, restaurante en verskeie doendinge en besienswaardighede. Gaste kan walviskyk vanaf die kothuis.

Die huis is met sonkrag en 'n omsetter toegerus en ervaar dus nie beurtkrag nie.

Die huis beskik oor 2 slaapkamers en 2 badkamers en het slaapplek vir 4 gaste. Een slaapkamer het 'n ekstra lang koninggrootte-bed en ander kamer 'n ekstra lang koningingrootte-bed. Daar is lugversorging in beide kamers asook haardroërs en skuifdeure wat toegang tot 'n privaat stoep bied. Linne, handdoeke, strandhanddoeke en komberse word voorsien. 'n Bababed en babastoel is ingesluit.

Die kombuis het ook 'n fantastiese see-uitsig en is vir selfsorg toegerus met 'n stoof met gas- en elektriese plate, 'n oond, yskas-vrieskas met ysmasjien en koue water, mikrogolfoond, koffie- en teemaakgeriewe, 'n skottelgoedwasser, eetgerei, breekware, potte, panne en 'n broodrooster. Eetgerei vir kinders word voorsien. Daar is ook 'n wasmasjien en tuimeldroër. Daar is 'n binnebraai asook 'n swart driebeenpot.

Die sitkamer het oorgenoeg sitplek, 'n rusbank vir kinders, 'n TV met DStv, Netflix en vesel-internet. Daar is skuifdeure wat toegang tot die stoep wat om die leefarea strek bied.

Die sitkamer bied toegang tot die stoep met buitemeubels, insluitend 'n etenstafel, 2 sonstoele, 'n sambreel, opvou-afdak, braaigeriewe en 'n pragtige see-uitsig.

Daar is moderne wasgoedlyne en 'n buitestort.

Dis 3 minute stap na Grotto- en Voëlklipstrand en dit kan maklik via voetpaadjies van die eiendom af bereik word. Gaste kan ook walviskyk van die stoep af gedurende die walvisseisoen. The Cove is reg voor die stoep en gaste kan Grottostrand toe stap tydens laaggety.

Die bekende kranspaadjies begin voor die huis en dis ideaal vir fietsry en wandel en dit lei na die ou hawe in die dorp.

Daar is gratis, veilige parkeerplek op die perseel en 'n tuin waar gaste kan ontspan. Die huis het 'n moderne alarmstelsel met 24 uur-gewapende reaksie en hortjies voor al die deure en die groot skuifvenster.

Let dat daar tans konstruksie by die bure van 08:00 tot 17:00 daagliks plaasvind.