Tropical Eden Villas

Selfsorg

Kapasiteit: 16 persone
Alle ouderdomme is welkom
Inkloktyd: 13:00 tot 17:00
Uitkloktyd: 10:00
Adres: Kloofweg 99, Patensie, 6335, Oos-Kaap
Vanaf R1 380 per nag, vir 2 mense

Beskrywing

Tropical Eden Villas is in Patensie geleë - die laaste dorpie voor Baviaanskloof. Daar is 4 villas en 'n gastehuis op 'n groot stuk grond en dis lekker privaat.

Elke villa bied 'n lieflike uitsig oor die Gamtoosvallei en op die berge in die verte. Dié uitsig kan vanaf die sitkamer en hoofslaapkamer bewonder word. Elke villa het 'n stoep aan weerskante en beskik oor 'n hoofslaapkamer met 'n koningingrootte-bed of 2 enkelbeddens, asook 'n klein tweede slaapkamer met 'n enkelbed. Verder is daar 'n enkelbed in die sitkamer. Elke villa het 'n badkamer met 'n stort en daar is oorgenoeg kasruimte. Linne en badhanddoeke word voorsien.

Verder het elke villa 'n oopplan-kombuis en -sitkamer. Elke kombuis het 'n granietoppervlak en is toegerus met 'n elektriese stoof, mikrogolf en gasstoof. Elke villa het sekere DStv-kanale wat sport insluit.

Die Kougadam is sowat 30 km buite Patensie en is ideaal vir voëlkyk. Jy kan ook voetslaan en bergfietsry in die omgewing, en visvang in die Gamtoosrivier.

Kry ’n Kwotasie