Vida Nova Kruger

Lodge

Kapasiteit: 14 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Seekoeiweg 3612, Marlothpark, 1321, Mpumalanga
Vanaf R1 795 per nag, vir 2 mense

Beskrywing

Vida Nova Kruger is 'n grasdak-lodge in die Marlothpark-wildbewaringsgebied op die oewer van die Krokodilrivier wat grens aan die majestueuse Krugerwildtuin. Gaste kan op die uitkykdek ontspan en kyk hoe die wild kom drink by die rivier terwyl leeus in die afstand brul. In die voortuin onder kom vlakvarke, kameelperde en ander wild gereeld kuier.

Verblyf word aangebied in 5 kamers met of 2 enkelbeddens of 'n dubbelbed in elk. Elke kamer het ook 'n en suite-badkamer, lugversorging en 'n plafonwaaier.

Die lodge kan as 'n geheel verhuur word op versoek en dan sluit dit al 5 slaapkamers in.

Ontbyt, middagete, aandete en 'n braai in die aand kan voorsien word teen ekstra koste.

Wildritte kan gereël word met hoogs opgeleide gidse en Vida Nova Kruger het lang wildkykvoertuie wat toe is en lugversorging het, maar tog 'n bokant het wat kan oopmaak sodat gaste die wild goed sal kan sien.

Kry ’n Kwotasie