Waggies

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Lynnstraat 19, Struisbaai, 7285, Wes-Kaap
Vanaf R2 500 per nag (plek vir 10)

Beskrywing

Waggies is 'n pragtige en ruim vakansiehuis in die hartjie van die kusdorp Struisbaai en dis die ideale wegbreekplek vir 'n gesin en vriende.

Die eiendom bied slaapplek aan 10 gaste en beskik oor 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n stort. Die tweede en derde slaapkamer het elkeen 'n koningingrootte-bed en 'n stapelbed. Dié 2 kamers deel die tweede badkamer met 'n bad, stort en 'n wasmasjien. Alle linne en badhanddoeke word voorsien en gaste moet hul eie swemhanddoeke saambring.

Die hoofleefarea het 'n oopplan-ontwerp met 'n hoë plafon en 'n kombuis wat met 'n vyfplaatgasstoof, elektriese oond, mikrogolfoond, yskas-vrieskas, eetgerei en breekware toegerus is en daar is ook 'n eiland met stoeltjies in die middel. Daar is ook 'n skottelgoedwasser en binnebraai in die kombuis.

Die kombuis lei na 'n eetarea en sitarea met gemaklike sitplek en 'n TV met die volle DStv-pakket. Die stapeldeure lei na 'n onderdakstoep met 'n etenstafel en ingeboude braai. Gaste het toegang tot oorgenoeg parkeerplek op die perseel.

Kry ’n Kwotasie