Zo'luha

Selfsorg

Langtermynverblyf-aanbod 30% af

Kry 30% af vir verblyf wat 30 nagte of langer is. Hierdie aanbod is altyd geldig.

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Vyfdestraat 74, Voëlklip, Hermanus, 7200, Wes-Kaap
Vanaf ~~R6 655~~ R4 659 per nag (plek vir 8)

Beskrywing

Zo'luha is 'n pragtige selfsorghuis in Voëlklip, Hermanus. Dit is 5 minute se ry vanaf Langbaai, Kammabaai en Voëlklip se strande. Dit is ideaal vir groot gesinne en spog met leefareas binne en buite.

Hierdie huis bied slaapplek aan 8 gaste en beskik oor 4 slaapkamers, Die hoofslaapkamer op die grondverdieping het 'n koninggrootte-bed, kasruimte en 'n badkamer met 'n bad, stort, wasbak en toilet. Dit lei na 'n kuier-area buite. Die tweede en suite-slaapkamer op die boonste verdieping het 'n koninggrootte-bed en 'n badkamer met 'n bad en stort. Die derde en vierde slaapkamer is oorkant die TV-kamer en beide het 2 enkelbeddens en 'n badkamer langsaan met 'n bad, stort, wasbak en toilet. Daar is 'n gastebadkamer met 'n stort, wasbak en toilet op die onderste verdieping. Linne en handdoeke word voorsien.

Die huis beskik oor 'n oopplan-kombuis, eetarea en sitarea. Die kombuis is met 'n yskas-vrieskas, gasstoof, elektriese oond, mikrogolf, eetgerei, breekware, 'n broodrooster en tee- en koffiemaakgeriewe toegerus. Daar is ook 'n skottelgoedwasser, wasmasjien, tuimeldroër en skoonmaakmiddels.

Die eetarea het 'n etenstafel geskik vir 10. Dit lei na die sitarea met rusbanke en 'n slim-TV en lei weer na die groot onderdakstoep met 'n etenstafel geskik vir 10. Die tweede leefarea is op die boonste verdieping en het 'n slim-TV. Dit lei na die toegeboude stoep met 'n balkon en 'n berg-uitsig. Die huis het 'n omsetter wat krag aan die ligte, WiFi en TV voorsien.

Daar is 'n braai-area langs die sitarea buite. Daar is ook 'n grasperk, motorhuis, veilige parkeerplek en 'n alarmstelsel.

Kry ’n Kwotasie