Geverifieerde Resensie
Great Brak River
Al die resensies is deur LekkeSlaap-gaste geskryf wat in Great Brak River bespreek het
Hierdie plek het 'n gemiddeld van 4.7 uit 5 gekry volgens 289 resensies.
"Ken die wêreld van Plettenbergbaai tot Mosselbaai baie goed ─ het as kind daar vakansiegehou en nou as gesin. Kan nie verkeerd gaan nie, wonderlike besienswaardighede, al reën dit, is daar altyd iets om te doen of as jy wil, niks om te doen. Die ligging is uitstekend tussen George en Mosselbaai en ook regtig nie ver na Knysna, Wildernis ens nie."
"Heerlike vakansiebestemming met baie vir die kinders om te doen en pragtige natuurskoon."
"Groot-Brakrivier verdien regtig nog 'n paar dae se verken. Die dorpie is netjies en pragtig, en mens word uitgelok deur al die winkeltjies langs die hoofstraat. Ongelukkig het ons net oornag vir een nag, en het nie kans gehad om te verken nie, maar ons gaan definitief weer hier inloer, en bietjie langer vertoef."
"Die Ou Pastorie Teetuin en die Waffle House is 'n moet om te besoek in Groot-Brakrivier. Baie naby aan Glentana & Heroldsbaai vir dagbesoeke."
"Baie lekker restuarante om van te kies en keur. Twin Trees was uitsonderlik lekker en so gasvry. Baie mooi en skoon strande en rivier om van te kies om in af te koel. Omdat dit reg in middel van Mosselbaai en George is, is dit baie meer bekostigbaar om te bly en eet en tog binne 20 min by beide te wees. Mens kan vir seker 'n hele vakansie daar bly en Grootbrak jou basis maak."
"Pragtige, mooi en skoon dorpie weggesteek tussen die berge/bulte en nie baie ver van al die besienswaardighede in die Oos/Wes-Kaap nie. Oor as genoeg om 'n mens en kinders besig te hou vir baie lang gelukkige ure. "
"Ons het verlief geraak op Groot-Brak, al die ander plekkies in die omgewing is ook baie mooi, maar Groot-Brak is ons gunsteling."
"Groot-Brakrivier is pragtig. Jy kry daardie veilige "village" gevoel en daar is oral plekkies om te verken. Sal definitief weer 'n draai daar gaan maak."