Verified Reviews
Great Karoo
All reviews have been left by LekkeSlaap customers staying in Great Karoo
Rated 4.3 out of 5 based on 3446 reviews.
"Ongelooflike rustige Karoo-dorpie. Ons sal dit vir enige iemand aanbeveel. En die aandete in die Swartberg Hotel sal ons nog lank onthou! Fantastiese diens en lekker kos."
"Blyk nie 'n veilige area te wees nie. Te veel straatkinders/haweloses wat jou lastig val en onveilig laat voel."
"Het glad nie geweet van die bestaan van die plek nie. Uniek en baie interessant om die geskiedenis te hoor. "
"Die mooiste juweel van 'n plek. Waar jou kruideniers nog by jou huis afgelaai word. Merweville is 'n absolute moet!"
"Die beskikbaarheid van goeie restaurante was baie beperk. Behalwe die gewone gesinsrestaurante, wat nie altyd in 'n moeë reisiger wat nie blootgestel wil word aan jong kinders nie, se smaak val nie, was daar slegs twee restaurante, waarvan een definitief nie aan ons smaak voldoen het nie, veral omdat dit eers hul deure teen 19:00 geopen het. Die ander restaurant was heel aangenaam."
"Ek is mal oor Prins Albert! Ons het die Donkey Sanctuary besoek, ongelooflike werk wat daar gedoen word, besoek dit gerus."
"Dit wil voorkom of die munisipaliteit die strate begin skoonmaak. Lyk beter as 'n jaar gelede."
"Het maar ook sy ongewense elimente. Maar wees veilig. Mens kry dit oral. Hou baie van julle dorp en gastehuise. "
"Die droogte en leë damme is hartverskeurend. Verder is die dorp skoon en die mense vriendelik. Aandblom Gastehuis was 'n wonderlike voorreg!"
"Die eerste ervaring op Beaufort-Wes by die 4 Sheep Restaurant was nie te goed nie. Kos was lekker, maar, saam met die ervaring by die vulstasie, het ek regtig gedink die mense op Beaufort-Wes was stug - ek het gewonder of dit is omdat ek wit was. My tweede stop daar by dieselfde vulstasie enkele dae later het my siening heeltemal verander deur 'n enkele vriendelike petroljoggie wat my verseker het die mense van die dorp bekend is vir hul vriendelikheid. Hoop hy is reg en ek verkeerd."
"Ons het Chris Barnard meuseum besoek. Baie interessant oor sy lewensgeskiedenis."
"Die mense is baie vriendelik en behulpsaam en 'n fees om mee te gesels. Die museums is insiggewend en al die besighede was gretig om te help. Ons sal weer by Beaufort-Wes kom kuier, "
"Oulike dorp, ek sal nou nie self in die dorp oorbly nie, maar die omliggende plekke is 'n moet sien en daar is baie plekkies wat ek dink jul by jul lys kan gaan voeg. Ons het Oudsthoorn toe gery en Calitzdorp wat meer bied."
"Ons het 'n heerlike aandete by die Karoo-Deli geëet en tot laat die aand saam met die eienaar gekuier. Hulle het 'n straatbraai-ete aangebied en elke tafel kon hulle eie vleis kies wat vir jou gebraai word. Saam met die ete was roosterbrood bedien. Een aand was te kort om alles te sien en bietjie te kon rondstap, maar ons sal definitief weer in Beaufort oorbly. "
"Pragtige dorpie met vriendelike mense en 'n heerlike plattelandse gees."
"Gawe plek. Ons bid saam met hulle vir nog baie reën ten einde die natuur te help om ten volle te herstel!"
"Kookkursusse by The Real Food Company die moeite werd. Die Gin Bar ook 'n besoek werd. Die spookstoriewandeling was ook interessant. Guy se melkstal vir kase en joghurt. Museum vir self gestookte witblits."
