Geverifieerde Resensie
Overberg
Al die resensies is deur LekkeSlaap-gaste geskryf wat in Overberg bespreek het
Hierdie plek het 'n gemiddeld van 4.6 uit 5 gekry volgens 6810 resensies.
"Die omgewing is pragtig, maar die middedorp is maar dodgy. Baie bedelaars en jong mannetjies wat jou laat voel hulle gaan iets gryp as hulle 'n kans kry."
"Seker lekker in die somer, maar is maar mislik in die winter. Die strand en see lyk nie baie veilig vir swem nie. Ek het juis daarna gaan kyk as 'n moontlike aftreeplek, maar nie 'n lekker gevoel gekry nie."
"Sandies Glen Pas is een van die gerieflikste grondpaaie en kronkel deur die mooiste plase. Neem gerus van die afdraaie en verken die pragtige area."
"Die natuurskoon is ongelooflik en mens waardeer die ongereptheid daarvan en die skoon berglug. Besoeke aan die Botaniese Tuin en Pikkewynkolonie maak dit absoluut die moeite werd."
"Mooi dorp tussen die berge, pragtige geskiedkundige huise en tuine. Heerlike etes by Swellendam Republic."
"Dis rustig en stil sonder rondlopers en boosdoeners wat wil kwaaddoen en ons het die vars, skoon seelug waardeer. Die plaaslike inwoners se sakelui is behulpsaam en vriendelik. Wil jy heerlike braaitjops oor die kole braai? Besoek gerus die plaaslike slaghuis op Bettysbaai. Hulle bied tamaaigroot karooskaaptjops met lekker vet uit Victoria-Wes asook tuisgemaakte boerewors aan. Dit was my bejaarde ma se verjaardag en toe die winkeleienaar dit gehoor het, het hy ons sommer 'n hele pakkie tuisgemaakte boerewors gratis gegee as my ma se verjaardaggeskenk! Nou waar kry jy sulke diens in die stad? Soek jy eenvoud en gerief gekombineer, rus en vrede en vars seelug vir 'n naweek, is Bettysbaai die plek vir jou."
"We bought hake and chips from the local fish shop, and it was disgusting. Really disappointing."
"Dit is nog lekker ongerep. Die mense is vriendelik en dis naby 'n paar gewilde dorpies en plekkies om te ontdek. Gebruik dit as jou basis en verken die hele area. Lekker lang, skoon strande vir 'n heerlike stap wat oud en jonk sal pas."
"Baie lekker gekuier. Maak net seker as jy gaan dat jy goed voorberei, daar is nie 'n winkel nie!"
