Geverifieerde Resensie
Panorama Route
Al die resensies is deur LekkeSlaap-gaste geskryf wat in Panorama Route bespreek het
Hierdie plek het 'n gemiddeld van 4.5 uit 5 gekry volgens 1661 resensies.
"Die dorp word nie onder hou nie. Swak diens aan toeriste. Sal nie weer daar oornag nie."
"Als is binne stapafstand wat dit 'n heerlike verandering van altyd gebruik maak van motorvervoer."
"Pragtige omgewing met baie besienswaardighede. Baie van die paaie net gevaarlik met al die slaggate."
"Lieflike omgewing met hope om te sien en doen. Die aanwysing is egter soms verwarrend. Die bergpasse is per geleentheid senutergend aangesien motoriste hulle nie aan die spoedgrens, digte mis of verbysteek voor skerp draaie steur nie."
"Pragtige dorpie waar mens onmiddellik tuis voel en maklik sal kan kom nesskop."
"Sabie is 'n pragtige dorpie en is sentraal geleë tussen verskeie besienswaardighede. Dis 'n ideale dorp om oor te slaap vir toeriste."
"Daar is tonne om te doen en om elke draai is 'n pragtige uitsig. Mens sal maande hier kan besig bly om al die besienswaardighede te sien en al die aktiwiteite te doen. Meeste van die aktiwiteite is ook vriendelik op 'n mens se sak, wat genoeg speling los om te 'splurge' op die duurder aktiwiteite, soos die 'Big Swing'."
"Kaapsehoop is 'n dierbare klein vakansiedorpie met pragtige natuurskoon en ons sal graag weer daar gaan kuier."
"Schoemanskloof is 'n mooi alternatiewe roete vir nie N4. Baie slaapplek en mooi sitrusboerderye. Vulstasie en restaurant, asook 'n vrugtesapfabriek wat vars vrugtesap verkoop."
"Asemrowende natuurtonele. Dit is 'n groot jammerte dat die paaie nie goed onderhou word nie. Die bestuurder kan nie regtig bekostig om rond te kyk nie. Die motoriste in die omgewing bestuur uiters ongeskik en gaan roekeloos teen sperstrepe verby en wag ook nie hulle beurt af nie. Dit is duidelik dat padreëls glad nie afgedwing word nie. Dit is beslis 'n hoë-risiko area om in te bestuur."
