Geverifieerde Resensie
Aberdeen
Al die resensies is deur LekkeSlaap-gaste geskryf wat in Aberdeen bespreek het
Hierdie plek het 'n gemiddeld van 3.9 uit 5 gekry volgens 135 resensies.
"My rustige geboortedorp. Argitektuur van die ouer geboue in die dorp is van hoogstaande gehalte. As jy wil ontspan en wegkom van die geroesemoes van die stad en Karoostilte wil geniet, is Aberdeen net die plek."
"Baie mooi en rustige dorp met baie pragtige, ou geboue. Sal graag wil teruggaan en langer vertoef."
"This is not your typical tourist destination, but if you want to get away from everything and experience the Karoo, this is the place!"
"Ek voel hulle kan aandag daaraan gee dat eetplekke later oop is om by te eet of te bestel."
"Aberdeen is 'n netjiese dorp met vriendelike mense. Wens ons kon nou al inspring en help om dit die dorp te maak wat kan kompeteer met die beste toerismedorpe."
"Ongelukkig te min tyd deurgebring om die dorp te leer ken. Die interessante argitektuur behoort enige besoeker op te val, van eenvoudige platdak-karoohuise tot elegante Victoriaanse en Edwardiaanse huise, asook openbare geboue. Lees in Gabriel Faganb se boek, Platdak, en Hans Fransen se, The old buildings of the Cape. Ongelukkig, soos albei skryf, is baie van Aberdeen se besondere voorkoms nou verlore. Besoekers hoef nie bang te wees dat hulle droëmond vertrek nie – The Blue Door kan aanbeveel word vir etes en drankies."
"Die Bloudeur Restaurant is 'n moet stop as jy deur Aberdeen gaan. Heerlike bekostigbare kos, vriendelike diens en onvergeetlike ervaring."
"Aberdeen se ligging is ongelukkig tussen êrens en nêrens. Maar na 'n lang dag se reis is dit 'n verwelkomende sig. Dit is 'n klein dorpie waar daar nie veel aangaan nie. Maar die rustigheid van die dorp en die mense laat jou ook sommer kalmeer. Ongeag die droogte is dit nog steeds 'n plek met vriendelike mense!"
"Meeste van ons klein dorpies is besig om agteruit te gaan, ook Aberdeen, maar ten spyte daarvan het ons die mense op die dorp vriendelik gevind en die Karoovrede en pragtige sonsondergang was wonderlik."
"Daai dorp wat weggesteek moet bly, want daar is iets besonders aan die plek."
"Pragtige dorp, mooiste argitektuur, stil en vreedsaam. Wens die plaaslike regering kan belê om die dorp in stand te hou en die mooi geboue na volle glorie te herstel."
"Baie beïndruk met hoe mooi skoon die dorp is en die vriendelikheid van almal: van die petroljoggie wat moes help dooie sprinkane afwas tot die personeel in die keurige kafeetjie! Baie vriendelike en ooglopend gelukkige kindertjies oral."