Geverifieerde Resensie
Jeffreys Bay
Al die resensies is deur LekkeSlaap-gaste geskryf wat in Jeffreys Bay bespreek het
Hierdie plek het 'n gemiddeld van 4.6 uit 5 gekry volgens 1352 resensies.
"Mal oor die hele vibe van die plek. Skoon see en strande en heerlike eetplekke met 'n groot verskeidenheid van kosse. Alles wat mens mag nodig hê, is daar beskikbaar."
"Jeffreysbaai is 'n pragtige kusdorp. Wat baie oplettend was, is die vriendelike mense wat daar woon en werk."
"Jeffreysbaai is 'n pragtige dorp. Die onmiddellike behoefte aan instandhouding van paaie behoort tans prioriteit te geniet. Loadshedding-tydperke van 4½ ure op 'n keer tot maksimum 11½ ure per dag pootjie die toerisme-bedryf."
"Baie lekker weer. Vriendelike mense. Skoon dorp. Sal definitief Jeffreysbaai vir enige een aanbeveel."
"Baie lekker, skoon en mooi om vakansie te hou. Mense van die omgewing vriendelik en behulpsaam. Heerlik uitgerus."
"Baie lekker en veilige swemstrand. Restaurante binne loopafstand met heerlike verskeidenheid geregte. Het laat in die aande nog rondgestap en nooit onveilig gevoel nie. Polisie ry gereeld in die omgewing."
"Hierdie is 'n baie lekker en rustige vakansiedorp, wat met tye besig raak meestal op die gebied rondom die hoofstrand en middedorp. Verkeer in Da Gama-weg kan met tye frustrerend raak, maar daar was meestal verkeersbeamptes beskikbaar om die vloei te vergemaklik. Sal definitief weer J-Bay besoek!"
"Fantastiese, pragtige en skoon vakansiedorp. Ons is definitief in Desember 2023 terug."
"Baie besig oor seisoentyd, maar ek was al in die res van die jaar ook daar en dit is beslis 'n plek waar mens kan rustig raak. Ameri Place is weg van al die gedruis en mense oor seisoentyd, so dit is die ideale plek om by te bly."
"Heerlike vakansiebestemming met so baie om te doen. Wonderlike vuurwerk vertoning gesien reg voor woonstel. Swemstrand voor woonstel. Kan na baie plekkies loop en het altyd veilig gevoel."
"Dit was my vakansieplek as kind en sal altyd my go to place wees. Jeffreysbaai bly die plek met die mooiste strande."
"Jeffreysbaai is veilig, skoon, kindervermaak oral en het heerlike kos. Regtig my verwagtinge oortref."
