Geverifieerde Resensie
Northern Cape
Al die resensies is deur LekkeSlaap-gaste geskryf wat in Northern Cape bespreek het
Hierdie plek het 'n gemiddeld van 4 uit 5 gekry volgens 9684 resensies.
"Dele van die dorp lyk vervalle. Historiese begrafplaas met grafte uit Anglo Boere oorlog in baie swak toestand. Lekker restaurante, interessante boekwinkels."
"The Horse and Mill se binnehof was 'n lafenis vir ons en die vele suikerbekkies in die rankplant. Middagete by Bordeaux onder die 100-jaar oue wingerd was lieflik! Daar was baie reisigers met klein kindertjies wat heerlik op die klimrame baljaar het. Ontbyt by Plattelander was 'n goeie begin vir die dag. Kos en diens was onverbeterlik. Reisigers moet dalk net mooi dink oor die impak daarvan om vir die vele kinders op die straat geld en soetgoed te gee, want dit was vir ons 'n probleem."
"Hopetown is 'n klein dorpie en jy moenie meer verwag as wat n klein dorpie kan bied nie. As jy na `n unieke ervaring soek, gaan eet by Die Stalle. Die enigste manier om dit te beskryf is -gaan eet self daar om uit te vind!"
"Kamieskroon is 'n klein plaasdorpie met ongelooflike vriendelike mense. "
"Carnarvon en die Karoo is nie vir enige iemand nie. Ek hou van stilte maar ook om te kuier en lekker te gesels. In die opsig is Carnarvon en sy mense perfek. My volgende kuier gaan wees met die fokus op sterre kyk - buite die dorp is baie opstel plek met baie min lugbesoedeling."
"Pragtige dorp en met baie besienswaardighede EN wat 'n moet is om in te pas en die stoephuisies herroep jou van en hoe dit lank, lank gelede daar was. Goeie mense, goeie toeristedorp en daar kan jy nog met reg sê: dankie vir Afrikaans."
"Die perfekte stop op pad see toe voor dit donker is en voor jy te moeg bestuur is. 'n Pragtige dorpie."
"Kan daar nie meer gemaak word van plekke soos die Neus waar die Oranje- en Vaalriviere saamvloei nie? Dis verwaarloos! En daar is nie eens 'n bordjie wat wys waar die begraafplaas is nie en dis boonop totaal onversorgd."
"Colesberg is mooi halfpad op pad na die Kaap en 'n goeie rusplek voor jy verder reis Kaapstad toe of Gauteng toe."
"Hoewel Colesberg vir meeste reisigers net 'n oornagbestemming is, het die dorp 'n vriendelike gemeenskap en interessante aantreklikhede, veral vir geskiedenisliefhebbers. "
"Goed geleë. Naby als, daar is baie om te sien. Ons het 'n hele oggend by die 'groot gat' en myndorpie spandeer. Lekker daar geëet en baie fotos geneem. Die flaminke by Kamferdam is 'n belewenis. Gesukkel om van die plekke te kry. Van die GPS koordinate op Kimberley toeristekaart is verkeerd."
"Het verblyf gekry by Toverberg. Gulhartige verwelkoming, lieflike skoon - spierwit beddegoed, lugreëling, veilige parkering kon met gemoedsrus 'n goeie nagrus hê. Heerlik uitgerus en volgende oggend vertrek."
"Dit is jammer dat die pragtige eiland nie eers 'n restaurant of 'n koffie winkel het nie."
"Beslis 'n dorpie wat jou sal verras en die moeite werd is om te besoek. Dit gee mens 'n goeie indruk van die Namakwa oor die algemeen."
