Geverifieerde Resensie
Parys
Al die resensies is deur LekkeSlaap-gaste geskryf wat in Parys bespreek het
Hierdie plek het 'n gemiddeld van 4.4 uit 5 gekry volgens 1459 resensies.
"Ek en my man is gereelde besoekers aan Parys en bly gewoonlik oornag of vir twee aande. Akkommodasie is oor die algemeen van 'n hoë standaard. Die een ding wat ons opmerk is die agteruitgang van die strate en sekere geboue, bv. die publieke kliniek en die "Independent Electoral Committee" kantore."
"Die hoofstraat wat deur die dorp en dus ook die toerismemiddelpunt loop is bietjie lastig."
"Rustig en stil. Sou net graag meer inligting beskikbaar wou hê m.b.t wat om te doen en te sien."
"Een van die plekke wat ons graag aanbeveel. Net jammer die waterpark langs die rivier het tot niet gegaan. "
"So baie om te sien en te doen in die omgewing, wens ons het meer tyd gehad!"
"Wonderlik om te sien hoe die dorp vooruitgaan na ons vorige besoek twee jaar terug. Die mense is uitermatig vriendelik. Gaan beslis 'n meer gereelde bestemming op my lys wees."
"Sal weer soontoe gaan, het rustige atmosfeer langs rivier gesoek, sal net seker maak volgende keer vir ander blyplek."
"Ons kon nie veel doen in Parys nie omrede ons net vir 'n kort tydperk daar was vir 'n troue en met die baie reën was dit nog moeiliker om alles te besigtig wat ons wou. Die winkeltjies in die hoofstraat het ons dadelik beïndruk. Ons het net baie slaggate gehad in die pad wat ons moes ry na The White Giraffe, Schilbach Street. Hoop ons kan weer eendag terugkeer na Parys om langer tyd te spandeer."
"Dis 'n oulike dorpie met heelwat om te doen. Die inwoners is vriendelik en gesels graag. Besoek gerus O's Restuarant waar jy in 'n pragtige tuin langs die rivier heerlike geregte kan geniet. Maak seker dat jy Oppiplaas besoek en help dan om die koeie te melk om 09:00 op 'n Saterdagoggend. Die eienaars Reiki en Stan is besonderse mense en maak 'n punt daarvan om met die gaste te gesels. Hulle laat jou dadelik tuis voel. Regte mens-mense. Geniet egte moerkoffie met varsgebakte skons of 'n regte boereontbyt. Hoi Polloi restuarant, Ugly duckling winkel en Pont de Val is beslis ook die moeite werd om te besoek. Bespreking by Pont de Val is egter verpligtend. Wees egter op jou hoede vir die plaaslike verkeersmanne wat oor naweke in die aande gretig is om die besoekers die pypie te laat blaas. Ongelukkig maak sekere restaurante reeds 17:00 op 'n Vrydagmiddag toe. Maak dus voor die tyd seker waar jy gaan eet. "
