51 On Bastion Guesthouse

Gastehuis

Gratis kansellasie tot 1 week voor jou verblyf!
Soos Gesien op Facebook
Kapasiteit: 6 persone
Geen kinders onder 12
Inkloktyd: 14:00 tot 18:00
Uitkloktyd: 10:00
Adres: Bastionsingel 51, Myngenoegen, Polokwane, 0699, Limpopo
Vanaf R1 500 per nag (plek vir 2)

Beskrywing

51 On Bastion Guesthouse is 'n bekoorlike gastehuis in die buitewyke van Polokwane, op die drumpel van die dorp en winkelsentrums. Die plaas van 8,5 ha spog met springbokke, kleinwild en 'n groot verskeidenheid voëls vir voëlkykers. Hiér kan gaste in die pragtige tuin en natuurskoon van die Bosveld verlore raak.

Die gastehuis bied rustigheid en gehalteverblyf en is ideaal vir sakereisigers of gaste wat op soek is na 'n plek naby die natuur om te ontspan en te herlaai. Dit is die perfekte oornagplek vir reisigers wat op pad is na of vanaf die Krugerwildtuin.

Verblyf word in 3 smaakvolle en suite-gastekamers gebied en daar is sitareas en eetareas waar gaste kan ontspan. Skoon linne en handdoeke word voorsien.

Elke gastekamer het koffie- en teemaakgeriewe, 'n werkspasie en gratis WiFi vir diegene wat moet werk.

Die hoogtepunt van die gastehuis is die stoep wat met 'n pragtige uitsig oor die Bosveld, die swembad en die tuin in die somer spog. Gaste kan ook in die winter die groot kaggel in die middel van die sitarea gebruik. 'n TV met DStv en Netflix is ook in een van die sitkamers beskikbaar.

Die plaas word met 'n elektriese wildheining omring en gaste kan veilig gaan stap of draf. Die gastehuis is heeltemal onafhanklik van die nasionale kragnetwerk, wat 'n unieke en volhoubare ervaring bied. Veilige parkeerplek is beskikbaar.

Kry ’n Kwotasie