Uitstekende verblyf en diens - beveel dit ten sterkste aan! Sien sterre.

Skoon, netjies, gasvry, ligging onverbeterlik en waarde vir geld. Weens die staking van Mango personeel het ons baie laat, (12:45 die oggend!) eers in Kleinmond aangekom. Die eienaars van Berg en See het spesiaal vir ons gewag en ons baie gul ontvang. Ons is soos ou vriende behandel. Ons sal beslis weer by hulle wil tuisgaan.

Onbeskryflik lekker. Jy sien die see as jy wakker word. Jy sien en ruik die see as jy braai. Wat meer kan mens vra? Ruim gerieflike vertrekke. Verskeie staproetes met heelwat lekker sitbankies as jy net wil sit en tuur oor die see. Soveel van vriendelikheid op die dorp. Gasvryheid en hulp waar nodig was uitstaande. Rus vir ons moeë siele gevind op hierdie mooi rustige dorpie. Swaar afskeid geneem!

Heerlik met alles wat jy nodig het. Baie lekker plekkie en wonderlike vriendelike diens. Nie te ver van alles af nie. Stoep was net bietjie warm vir die ou mense en kon eers later die aand benut word. Verder heerlik, baie baie dankie.

Ons het heerlik gerus! Pragtige ligging, alles wat mens kon nodig hê was daar. Pragtig skoon.

Rustige atmosfeer met behulpsame gashere wat ekstra myl loop vir ons. My hart verloor op Kleinmond. Tweede kuier in die pragtige rustige dorpie. Saryna en haar gade was baie behulpsaam. Ek was op krukke na knievervanging en hul het ons baie tegemoetgekom met hulp.

Dit is 'n fantastiese groot plek. Vanaf die staanspoor was ons heeltemal verras en die gasvryheid was "great".

Baie lekke! Vriendelike en hulpvaardige gasvrou en -heer. Baie gerieflik en sentraal geleë. Sal weer daar tuisgaan.

Ons het daar gebly saam met ons kinders en 4 jarige kleinkind en die mannetjie het die tyd so baie geniet saam met ons. Die eienaar het self 'n klein plastiek motorfiets vir hom geleen wat sy dae gemaak het. Daar is 'n looppad al langs die see. Al is dit redelik ver van die strand was, het ons die rustigheid en veiligheid baie meer geniet. Ons sal beslis weer gaan as ons in die Kaap kom en ek glo my kinders wat in Kaapstad woon sal ook weer gebruik maak van die verblyf. Dankie aan die eienaars. Ons het die vakansie baie geniet. Die plekkie is baie ruim en ten volle toegerus. Oorgenoeg beddens. Ons het nie iets gemis nie. Inteendeel, daar was meer as wat ons verwag het. Die plekkie was pragtig skoon toe ons daar aangekom het. Ons is baie vriendelik ontvang en touwys gemaak. Saryna en Bennie was 'n wonderlike gasheer/vrou. Dit het gevoel of ons by familie gaan kuier het. Ons kan die plekkie beslis aanbeveel. Onthou net om julle dekodeerder en afstandbeheer saam te bring. (Ons het ons afstandbeheer vergeet, maar gelukkig een te koop gekry in 'n klein winkeltjie daar).

Almal in die groep was uitgesproke oor die gehalte van die verblyf. Uitstekende verblyf, heerlike leefarea, die houtdek pragtig geplaas en die beddens tops! Sou net ons motors agter hekke wou hê, maar sal beslis weer daar kuier!