Cogs and Gears

Selfsorg

Gratis kansellasie tot 1 week voor jou verblyf!
Kapasiteit: 4 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Serruria-singel 11, Plattekloof 3, Kaapstad, 7500, Wes-Kaap
Vanaf R2 000 per nag (plek vir 4)

Beskrywing

Cogs and Gears is hoog teen Tygerbergheuwel in die stil luukse woonbuurt Plattekloof geleë, sowat 18 km noord van Kaapstad se middestad. Die area bied 'n 180° grade-uitsig oor Kaapstad, vanaf Robbeneiland in die Weste, oor Tafelbaai-hawe, Kaapstad-stadion, tot by Muizenberg in die Suide. Hiér sal gaste in die somer ongelooflike sonsondergange saam met Tafelberg kan bewonder.

Dié eenheid bied slaapplek aan 4 gaste en beskik oor 2 slaapkamers. Die eerste slaapkamer het 'n koningingrootte-bed en die tweede slaapkamer het 'n koninggrootte-bed. Ander geriewe sluit 'n badkamer met 'n stort-oor-bad, lugversorging, 'n sitarea, slim-TV en onbeperkte WiFi in. Die kombuis is met 'n induksieplaat, mikrogolfoond, yskas-vrieska en 'n koffiemasjien toegerus.

Die hele eenheid maak van sonkrag gebruik, wat met die res van die eiendom gedeel word. Batterye is tydens beurtkrag beskikbaar.

Gratis parkeerplek is op die perseel voor die eenheid se ingang beskikbaar.

Die eenheid is 1 km vanaf die privaat Panorama Medi-Clinic-hospitaal, -onkologiebehandelingsentrum en -dialisebehandelingsentrum en talle spesialiste. Netcare N1-hospitaal is maklik bereikbaar en is net 4 km ver. Daar is talle ongerepte strande in die omgewing, soos die bekende Blaauwbergstrand met sy puik seilplankryweer, die bikini- en swemstrande van Clifton en Kampsbaai, en Muizenberg, wat as 'n branderplankryparadys bekend staan.

Kry ’n Kwotasie