Nerf-Af French Villa

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Bosplasie-singel 14, Onrusrivier, 7201, Wes-Kaap
Vanaf R4 200 per nag, vir 8 mense

Beskrywing

Nerf-Af French Villa bied luukse verblyf in Onrusrivier, 'n kusdorpie in die skilderagtige Overberg-streek. Dit is net 'n paar minute vanaf Hermanus tussen berge, riviere, strandmere en die turkoois see geleë. Dit is ook naby die bekende Hemel-en-Aarde-vallei, die Whale Coast Mall en bekende restaurante in die omgewing.

Die villa bied slaapplek aan 8 gaste en beskik oor 3 slaapkamers en 4 badkamers. Die hoofslaapkamer het 'n koningingrootte-bed, 'n dubbelslaapbank vir kinders en 'n en suite-badkamer met 'n bad, stort, wasbak en 'n toilet. Die tweede slaapkamer het 'n koningingrootte-bed en 'n privaat en suite-badkamer met 'n stort, wasbak en 'n toilet. Die derde slaapkamer het 'n stapelbed en 'n en suite-badkamer met 'n stort-oor-bad, wasbak en 'n toilet. Daar is ook 'n gastebadkamer met 'n toilet en 'n wasbak.

Die leefarea het 'n oopplan-ontwerp met 'n kombuis wat met 'n gasstoof, oond, mikrogolf, yskas-vrieskas, eetgerei, breekware en 'n skottelgoedwasser toegerus is. Langs die kombuis is daar 'n etenstafel met sitplek vir 8 en 'n sitarea met gemaklike rusbanke, 'n kaggel, TV met YouTube en Netflix, en gratis WiFi.

Buite is daar 'n onderdakstoep met 'n etenstafel en braaigeriewe. Veilige parkeerplek is op die perseel beskikbaar.

Onrus spog met 'n gewilde kusroete en kronkelende voetpaadjies al langs die see en strandmeer. Die bekende Davie's- en Jan Rabe-rotspoel is gewilde swem- en snorkelplekke. Onrus het ook 'n Blouvlagstrand en nabygeleë aktiwiteite sluit walviskyk, haaihokduik, visvang, fietsry, wynproe en staproetes in.

Kry ’n Kwotasie