The Wild Bunch Safari House

Selfsorg

Langtermynverblyf-aanbod 10% af

Kry 10% af vir verblyf wat 7 nagte of langer is. Hierdie aanbod is altyd geldig.

Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 12:00
Adres: Rinkhalslaan 2247, Marlothpark, 1321, Mpumalanga
Vanaf ~~R3 000~~ R2 700 per nag (plek vir 6)

Beskrywing

The Wild Bunch Safari House bied selfsorgverblyf in die wildbewarea Marlothpark. Die bewarea is aan die suidelike grens van die Krugerwildtuin geleë en is die tuiste van 'n verskeidenheid vrylopende wild.

Die dubbelverdiepinghuis is in 'n Afrika-styl en bied slaapplek aan 6 gaste. Dit beskik oor 2 slaapkamers, 2 mezzanine-kamers bo en 2 badkamers met storte. Die hoofslaapkamer en tweede slaapkamer het lugversorging en elke kamer het 'n dubbelbed. Op die boonste verdieping is daar 2 oop slaapareas, een met 'n dubbelbed en die ander met 'n enkelbed. Dit is oop, ruim en het lugversorging en waaiers.

Die kombuis is met 'n yskas, mikrogolfoond, oond, stoof, eetgerei en breekware toegerus. Die leefarea het 'n hoë plafon en waaier en dit lei na die groot kuierarea op die terras met 'n ingeboude braai-area en mooi stoep wat 'n uitsig oor die swembad, buitestort en die groot vuurput bied. Gratis WiFi is oral beskikbaar.

Marlothpark spog met 'n hele rits wilde diere en daar is ook olifante en roofdiere aan die oewer van die Krokodilrivier wat Marlothpark en die Krugerwildtuin skei. Renosters, buffels, leeus, luiperds en hiënas is in Lionspruit, 'n aparte wildreservaat binne Marlothpark, te sien. Daar is ook koedoes, sebras, kameelperde, blouwildebeeste, bobbejane, bosbokke, nagapies, njalas, impalas, vlakvarke en volstruise wat vrylik tussen die vakansiehuise rondloop en die Wild Bunch daagliks besoek.

Kry ’n Kwotasie