Wellington Country House Gastehuis

Gastehuis

Kapasiteit: 8 persone
Alle ouderdomme is welkom
Inkloktyd: 13:00 tot 15:00
Uitkloktyd: 10:00
Adres: Richterlaan 27, Wellington, 7655, Wes-Kaap
Vanaf R1 790 per nag, vir 2 mense
TGCSA-gradering:

Beskrywing

Wellington Country House Guesthouse is in die hartjie van die Kaapse Wynlande op die rand van 'n wingerd geleë, met 'n uitsig op die Hawekwaberg en Limietberge vanaf die swembaddek. Die gastehuis bied gehalteverblyf in 'n rustige area.

Die gastehuis se styl is "hygge", wat die Deense woord is vir knus en gemaklik, met 'n tikkie ouwêreldse bekoring is.

Verblyf word in 3 suites met gratis WiFi gebied. Die gastehuis het sonkrag en batterye, en die lugversorging, WiFi en ligte bly tydens beurtkrag aan.

Die Merlot-kamer het 'n dubbelbed en 'n en suite-badkamer met 'n groot stort, toilet en wasbak. Dit het ook 'n privaat ingang.

Die Chenin Duette is 'n tweeslaapkamer-eenheid met 'n koninggrootte-bed in die hoofslaapkamer en 2 enkelbeddens in die tweede slaapkamer. Die tweede slaapkamer het 'n privaat en suite-badkamer. Albei slaapkamers het lugversorging.

Die Cap Classique Suite het 'n koninggrootte-bed, sitarea, aantrekkamer en 'n en suite-badkamer. Geriewe sluit 'n lessenaar, yskas en lugversorging in.

Daar is ook 'n swembad wat gaste kan gebruik, maar dis nie ideaal vir nie-swemmers nie aangesien die swembad nie 'n net het, of omhein is nie. Wellington Country House Guesthouse aanvaar geen verantwoordelikheid vir diegene wat die swembad gebruik nie.

Veilige parkeerplek is op die perseel beskikbaar. Die huis is 1,8 km vanaf alle geriewe, insluitend restaurante, winkels, voetslaan- en bergfietsroetes. Die eienaars sal graag gaste oor die area en aktiwiteite inlig.

Piekniekuitstappies na die Ceres-Karoo en Bainskloof is beskikbaar, maar dit moet vooraf bespreek word.

Kaasmaakwerkswinkels word op versoek aangebied en hier word feta, haloumi en ricotta gemaak.