Geverifieerde Resensie
Great Karoo
Al die resensies is deur LekkeSlaap-gaste geskryf wat in Great Karoo bespreek het
Hierdie plek het 'n gemiddeld van 4.3 uit 5 gekry volgens 3446 resensies.
"Pragtig! Skoon dorpie, lieflike natuurskoon, pragtige Karoonagte! Interessante winkels en eetplekke. Lekker om sommer net deur die dorpie te stap. Inwoners is vriendelik en behulpsaam. Hierdie is die ideale plek om sommer net te ontspan en rustig te wees. Die omgewing van Prins Albert is merkwaardig en mooi. Dit is beslis 'n besoek werd!"
"Die Swartbergpas is beslis nie vir mense wat aan hoogtevrees ly nie! Ek beveel eerder die pad deur Meiringspoort aan. Die natuurskoon is asemrowend."
"Beaufort West is an interesting place to stay at for a day or two as a stop over. The big attraction to see while here is the Karoo National Park."
"Karoo Deli waar ons die aand gaan eet het, was 'n uitstekende ervaring en beslis aan te beveel."
"Pragtige dorp met die mooiste berge, karaktervol, mooiste bome langs die hoofstraat, en interessante winkeltjies om in rond te snuffel! Die Swartbergpas is 'n belewenis en die moeite werd om aan te durf!"
"Fantastiese karoodorp met van die beste restaurante wat ons ooit al besoek het met egte Karoo-gasvryheid!"
"Baie goeie halfpadstop met die kans om heerlike lamsvleis terug te vat Gauteng toe. Het al 2 keer geëet by Nuveldt restaurant, asook by hulle vleis gekoop, 'n heerlike ondervinding en baie, baie goeie kos."
"Die Karoo Deli aan die oorkant van Youngs Halfway House is definitief 'n besoek werd. Die tipe braai-opset was 'n eerste vir ons. Werklik genotvol."
"Ons was baie teleurgesteld gewees, want ons wou graag die donkiekar rit doen, maar mens moet 'n dag voor die tyd bespreek."
"Dit is ons gunsteling oorstop in die Karoo op pad Kaap toe, dit is so mooi omgewing, maar tog het die dorp self ook 'n bekoring van sy eie met oulike snuffelwinkels en lekker eetplekkies. Daar heers beslis 'n aangename vibe. "
"As jy nie in die geskiedenis belangstel nie, is daar niks anders wat as trekpleister dien nie."
"Ons is oortuig daarvan dat die dorpie wel ryk is aan geskiedenis en kulturele skatte, maar daar is ook 'n steurende kommersiële invloed. Ons het die indruk gekry dat die oorspronklike karakter van die dorp verbloem word deur 'n oor-entoesiastiese toeriste-fokus. Dit wil voorkom asof die dorpie 'n naweek-dorpie geword het vir kunstenaars en stadsvlugtelinge. Soos 'n toenemende aantal dorpe in ons platteland word Pince Albert amper 'n spookdorpie in die week."
"Die dorp Prins Albert het ons baie beïndruk. Ek dink hier word ongelooflik baie gedoen vir die mense van die gemeenskap. Swartbergpas 'n moet vir die besoeker asook 'n besoek aan "Die Hel". Wow!"
