Geverifieerde Resensie
Northern Cape
Al die resensies is deur LekkeSlaap-gaste geskryf wat in Northern Cape bespreek het
Hierdie plek het 'n gemiddeld van 4 uit 5 gekry volgens 9684 resensies.
"Daar is nie baie om te doen in die dorp nie. Daar is wel lekker opsies vir uiteet. Dit is 'n lekker plek om oor te bly op pad na die Kgalagadi en wanneer jy gaan blomme kyk. "
"As jy wil visvang op die Oranjerivier of na die waterval wil gaan kyk is hierdie tops!"
"Springbok is 'n uitsonderlike en unieke bestemming, veral as die blomme mooi lyk mag jy dit nie mis nie. Dis 'n bucket list-bestemming."
"Victoria Wes is die perfekte rusplek tussen die noorde en die suide: rustige Karoodorp met die blouste lug bedags en die pragtige sterrehemel saans. Hier moet mens eintlik langer as net een aand oorbly."
"Die plekkie so tussen êrens en nêrens, die mense is so vriendelik en het ons omtrent ooreet. Baie lekker kuierplek. "
"Daar is nie baie om te doen in Loxton nie, maar dit is 'n baie mooi dorp in die Karoo. Jy kan lekker rus en die Karoo op sy beste ervaar. "
"Dit is 'n prag dorp wat elke mens moet besoek. Die dorp is ongelooflik mooi."
"Beste verblyf en waarde vir geld. Ons het besigheid in Kathu gehad, en was 'n groep van vier. Geskik vir veral jaggroepe van die omgewing ook. (Wens ek het 'n jaggeleentheid daar gehad.)"
"Augrabies is 'n moet sien-vakansiebestemming. Vir ons wat in daardie area grootgeword het is dit deel van ons bloed en dit kruip bitter vinnig onder jou vel. Pragtig."
"Nogal interessant as mens bietjie rondry en loop om al die oudhede en geboue te besigtig."
"Egte vriendelike outydse Karoo-dorp met n bekoring soos mens net in die Karoo kan kry."
"'n Pragtige dorp tussen die koppies. Dis die moeite werd om te besoek binne sowel as buite die blommeseison. En as jy honger is, gaan vir die Tauren-restaurant. Dis is karaktervolle restaurant met 'n uitstekende spyskaart en billike pryse, en die kelners is die beste wat ek nog beleef het."
"Eerste maal dat ons daar gekom het maar dit lyk na 'n goeie toerismebestemming. Die ligging en natuurskoon is pragtig"
"Groot verbetering die afgelope jaar of twee. Besoek verseker die NG Kerk asook die museum."
"Vanderkloof is 'n wonderlike plek om te gaan ontspan van die gejaag van die stad. Daar is genoeg om te doen. Die vriendelikheid en meelewendheid van die inwoners laat jou voel asof jy tuisgekom het."
