House Kelné Pringle Bay

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Gerald-weg 1254, Pringlebaai, 7196, Wes-Kaap
Vanaf R1 200 per nag (plek vir 2)

Beskrywing

House Kelné Pringle Bay is 'n splinternuwe huis en bied gerieflike en moderne verblyf. Pringlebaai is tussen Rooi Els en Kleinmond en is 52 km vanaf Hermanus en 29 km vanaf Gordonsbaai in die Overstrand aan die Walviskus in die Wes-Kaap. Die pragtige dorpie is bekend vir landelike vriendelikheid, natuurskoon en rustigheid by die see. Pringlebaai is kos vir die siel en in die somer is die strande selde oorvol.

Elke kamer het 'n koninggrootte-bed met wit linne. Die koninggrootte-bed kan maklik in 2 enkelbeddens omskep word op versoek. Elke kamer het 'n en suite-badkamer met 'n stort, toilet en 'n wasbak. Die kamers spog ook met 'n pragtige uitsig oor die berge.

Huis Kelné het 'n elektriese heining wat 24 uur per dag aan is en dit hou die bobbejane uit. Die bobbejane sal gaste nie pla nie, maar al hoe meer huise word met heinings en bobbejaandiefwering beveilig om hulle uit te hou. Bobbejane mag nie gevoer word nie.

Daar is genoeg parkeerplek voor die huis.

Die kamers is toegerus vir selfsorg, maar daar is baie restaurante in die dorpie, asook 2 klein supermarkte en wegneemetes. Somerset-Wes is 40 kilometer vanaf Pringlebaai en daar is groot winkelkomplekse, talle kettingwinkels, teaters en restaurante.

Hierdie verblyf is 1 km vanaf die naaste strand. Daar is ook baie verskillende stap- en fietsryroetes om van te kies.

Kry ’n Kwotasie