Reg julle, dis weer daai tyd van die jaar wanneer almal om die braai baljaar. ’n Braai is mos so Suid-Afrikaans soos biltong en boerewors, so steek maar op die 24ste September jou vuurtjie aan. Ons het ’n paar plekkies gaan vind waar jy sommer tjop-tjop jou vleisie op die kole kan gooi. Kom kyk hoe lyk van LekkeSlaap se lekke blyplekke met bobaas braaiplekke!

1

Pas sommer ’n vinnige wildkyk-sessie in terwyl jy by The Bush Camp in Dinokeng braai.
Afrique Boutique Hotel in Boksburg spog met ’n Kaap-Hollandse styl en 4-ster-kamers.
Braai in die hartjie van die wildreservaat by Foreva Wild in Dinokeng.

Chantilly Resort is in Kwadukuza aan KwaZulu-Natal se Noordkus geleë.
Rhino River Lodge is op ’n privaat wildreservaat in die hartjie van Zoeloeland.
Braai aan die oewer van die Mooirivier by Waterford Manor in die Natalse Middellande.

Bonwa Phala Game Lodge het die perfekte braaiplek vir natuurliefhebbers in Bela-Bela.
Lion Tree Top Lodge in Hoedspruit se luukse tent-chalets is hoog in die boomtoppe weggesteek.
Kuier om die braaivleisvuur saam met jou vriende en familie by Raptor Retreat Game Lodge in Phalaborwa.

Eland Holiday Home
Kom braai by Eland Holiday Home in Hazyview nadat jy die Elephant Sanctuary besoek het.
La Roca Guest House is in ’n groot, subtropiese tuin in Nelspruit.

Besoek die dieretuintjie met mak plaasdiere by Adem Gasteplaas in Rustenburg.
Bakubung Bush Lodge in Pilanesberg Nasionale Park is die perfekte braaiplek na ’n wilde uitstappie.
Lyk dit nie lekker gesellig hier om die vuurtjie by The Royal Gecko Bushveld Lodge in Brits nie?

Die Agama Tentekamp in Namakwaland sal jou bekoor in die blommeseisoen.
Tarantula Guesthouse in Calvinia spog met die mooiste uitsigte op die Hantamberge.

Sal jy nie net vir ewig om die vuurtjie by Addo Bush Palace Private Reserve in Addo kan kuier nie?
Nadat jy al langs die rivier af gedryf het kan jy by InniKloof in die Kouga kom vuur aansteek.
Hou die voëltjies dop terwyl jy wag vir die kole by Thunzi Bush Lodge & Country Lodge in Port Elizabeth.

Black Oystercatcher Cottages is op ’n boetiek-wynplaas in die Overberg geleë.
Homtini Guest Farm op die Roete 62 spog met ’n prentjiemooi uitsig.
Na ’n dag op die strand klink ’n braai by Mariner Guesthouse in Simonstad soos ’n blink plan!

Ons wil die hele aand om die vuur sit by The White Giraffe se braaiplek in Parys.
Egte Vrystaatse gasvryheid by Tom’s Place Resort net suid van Bloemfontein.

Waar gaan jy ’n vuurtjie aansteek dié Erfenisdag?

Hooffoto: Madi-Madi Karoo Safari Lodge in Oudtshoorn.