Ons weet jy wil net tuis bly as die kwik daal en die reën begin neerstort, maar as jy een van dié lekke plekkies kies, hoef jy jou nie te bekommer oor die koue monsters wat byt nie. Ons het ’n paar plekkies gaan soek met sonderlinge kaggels, bekoorlike braais en luukse baddens. Loer hier onder en bespreek sommer nou!

De Hoek Country Hotel, Magaliesburg

Kom skop jou skoene uit en geniet die hitte van dié kaggel in Magaliesburg, net ’n uur se ry van Johannesburg en Pretoria af.

De Zoete Rust, Centurion

Dink net hoe lekke kan jy van al jou sorge vergeet voor die vuurtjie in dié Bali-herehuis.

Glen Marion Gastehuis, Garsfontein

Nadat jy in die luukse bad lê en droom het, kan jy op dáárdie gemaklike leerbanke voor die kaggel opkrul met ’n heerlike koppie boeretroos.

Ingeli Forest Resort, Kokstad

Lyk dit nie net té gesellig nie? Kom herlaai jou batterye by hierdie perfekte plekkie.

Mavela Game Lodge, Hluhluwe

Geniet ’n opwindende potjie skaak langs dié heerlike kaggel en sit en kuier ’n hond uit ’n bos om hierdie lekke vuur.

Berghouse and Cottages, Bergville

Kruip weg vir die winter se koue kloue en geniet die uitsig op die magiese Drakensberge.

Leobo Private Reserve, Vaalwater

Dié merkwaardige huis bied ’n skuilplek teen die klappertand-koue terwyl jy langs die vuur sit en tuur oor die Palala-vallei.

Olievenfontein Private Game Reserve, Vaalwater

Lees daai boek wat nou al ’n tydjie lê en wag langs dié knus vuurtjie.

Shangri-La Country Hotel, Modimolle

Dié vuur is te vinde in die hartjie van die Bosveld op ’n 32 ha plaas. Jou persoonlike stukkie paradys.

Shamrock Arms Gaste Lodge, Waterval Boven

Smul aan ’n heerlike maaltyd terwyl die vuurtjie die ysmonsters beveg.

Stonecutters Lodge, Dullstroom

Kies en keur, en los die koue by die deur.

Tutwa Desert Lodge, Augrabies

Ontspan voor die kaggel na ’n wilde wildrit.

Desert Dew Guest House, Victoria West

’n Glasie Suid-Afrikaanse wyn gaan darem goed af voor die vuurtjie saam met jou liefie.

Hammelhoek Private Game Reserve, Tankwa Karoo Nasionale Park

Laat jou gedagtes die Karoo-lug in dwaal terwyl jy langs die kaggel en die braaiplek afsaal.

Boubou Bed and Breakfast, Rustenburg

Kuier, gesels en lag heerlik langs die warm vuurtjie.

Kwa Maritane, Pilanesberg Nasionale Park

Kwa Maritane skuil op die randjie van ’n uitgedoofde vulkaan – dit voeg ’n tikkie opwinding by dié kuier langs die vuur.

Thaba Kaya Lodge, Brits

Winter … wat is dit? Hier sal jy summier vergeet dat die seisoene gedraai het.

Hopewell Private Wildreservaat, Nanaga

As jy hou van laatlê, kan jy die winter ontduik deur net in jou bed langs dié kaggel te bly en die lieflike uitsig te bewonder.

Kariega Wildsreservaat – Main Lodge, Kenton-on-Sea

Hiér sit jy en Moeder Natuur langs dieselfde vuur.

JBay Zebra Lodge, Jeffreysbaai

’n Kaggelvuurtjie en die see – hemels!

Lavender Hill Country Estate, Bethlehem

Week jou koue, stywe spiere in dié bederfbad.

Emoya Luxury Hotel & Spa, Groenvlei

Het jy iets om te vier? Die perfekte plek is sommer hier voor die vuur.

Angala Boutique Hotel and Guest House, Paarl

Bewonder die Kaap se majestueuse berge ná ’n jolige dag in die wingerde.

At 85 on Church, Prins Albert

Nooi die hitte binne met dié vuurtjie.

Summit Place Guest House, Constantia

As jy kans sien om die voetslaanroetes aan te durf, kan jy na die tyd voor die kaggel kom ontdooi.

Pak jou dik sokkies, handskoene en mussie in jou tas en bespreek sommer nou ’n plekkie langs ’n vuurtjie. Lê in ’n warm borrelbad, gooi ’n vleisie op die kole en wys winter wie is baas!

***

Hooffoto: Die profiele van A Hilltop Country Retreat, Tulbagh Hotel, Lyngrove Wyne & Gastehuis, Shayamoya Toger Fishing & Game Lodge en Lions River Country Cottages op LekkeSlaap.